Ölçü:
Sabirabad rayonu ərazisində 3 nəfərin ölümlə nəticələnən yol-nəqliyyat hadisəsi ilə bağlı MƏLUMAT
27.11.2024Bu gün saat 08:00 radələrində Sabirabad rayonunun Qaraağac kəndi ərazisində Sabirabad rayon sakinləri Umudov Samir Qurbanəli oğlunun idarə etdiyi “Daewoo” markalı, 90-MY-798 dövlət qeydiyyat nişanlı və Abuzərova Salatın Rəhman qızının idarə etdiyi “Toyota” markalı, 90-KU-752 dövlət qeydiyyat nişanlı avtomobillər toqquşub.
Qəza nəticəsində qadın sürücü, eləcə də “Daewoo” markalı avtomobildə olan sərnişin 1971-ci il təvəllüdlü Hacıyev Manaf Poladxan oğlu hadisə yerində, sürücü Samir Umudov isə xəstəxanada həyatlarını itiriblər.
“Daewoo” markalı avtomobildə olan digər sərnişinlər - Hüseynov Sakit Rəvan oğlu və iki azyaşlı Şirvan Şəhər Mərkəzi Xəstəxanasına yerləşdirilib. Faktla bağlı araşdırma aparılır.