Məlumatlar 16 may 2019-cu il

Yol-hərəkəti təhlükəsizliyi üzrə liderlik və əməkdaşlıq” adlı Dəyirmi Masa təşkil olunub

2018-ci il yol-nəqliyyat hadisələrinin təhlili

Hesabat dövrü ərzində respublikada yol hərəkətinin təhlükəsizliyinin təmin edilməsi istiqamətində keçirilmiş profilaktik tədbirlər nətiicəsində ümumilikdə qəzalığın vəziyyəti nəzarətdə saxlanılmışdır. Yol-nəqliyyat hadisələrinin profilaktikası sahəsində həyata keçirilmiş müvafiq tədbirlər respublika üzrə bütövlükdə hadisələrin və onların ağırlıq dərəcəsinin artımının qarşısının alınmasına müsbət təsiri olmuşdur. Belə ki, ötən il ərzində respublika ərazisində 1817 YNH-i qeydə alınmış, nəticədə 722 nəfər həlak olmuş, 1711 nəfər yaralanmışdır. 2017-ci illə müqayisədə YNH-nin sayı 16 fakt (0.9 %), həlak olanların sayı 28 nəfər (3.7 %), yaralananların sayı isə 8 nəfər (0.5 %) azalmışdır.

 

DİN Baş DYP İdarəsinin Yol Patrul Xidməti Alayının xidmət ərazisində (Respublika əhəmiyyətli yollarda) hesabat dövründə 131 YNH-i qeydə alınmış, nəticədə 159 nəfər həlak olmuş, 39 nəfər yaralanmışdır. 2017-ci illə müqayisədə YNH-nin, həlak olanların və yaralananların sayı uyğun olaraq 54 fakt (29.2 %), həlak olanların sayı 69 nəfər (30.9 %) və yaralananların sayı isə 32 nəfər (45.1 %) azalmışdır.

Bakı şəhəri ərazisində 619 YNH-i qeydə alınmış, bunların nəticəsində 212 nəfər həlak olmuş, 529 nəfər yaralanmışdır. 2017-ci illə müqayisədə YNH-nin, həlak olanların və yaralananların sayı uyğun olaraq 27 fakt (4.2 %) azalıb, həlak olanların sayı 5 nəfər (2.4 %) artıb, yaralananların sayı isə 23 nəfər (4.2 %) azalmışdır.

Respublika üzrə qeydə alınmış YNH-nin 92.6 %-i (1682) sürücülərin YHQ pozmaları, o cümlədən 24.4 %-i (443) ötmə və qarşıdan gələn nəqliyyatın yoluna çıxma, 40 %-i (727) nəqliyyat vasitələrinin yüksək sürətlə idarə olunması, 9.6 %-i (174) yolayrıclarını keçmə qaydalarının pozulması, 2 %-i (37) nəqliyyat vasitələrinin sərxoş vəziyyətdə idarə olunması səbəbindən baş vermişdir. YNH-nin 47.5%-ni (863) piyadaların vurulması təşkil etmiş, nəticədə 345 piyada həlak olmuş, 575-i yaralanmışdır. 104 YNH-i piyadaların YHQ pozmaları nəticəsində baş vermişdir. Respublika üzrə qeydə alınmış YNH-i nəticəsində 52 nəfər uşaq və yeniyetmə həlak olmuş, 171 nəfər yaralanmışdır. Ümumiyyətlə qeydə alınmış YNH-i nəticəsində həlak olmuş 722 nəfərdən 552-ni kişilər, 170-ni qadinlar, xəsarət almış 1711 nəfərdən isə 1268-ni kişilər, 443-ni qadinlar təşkil etmişlər.

  2018-ci ildə respublika ərazisində 6 nəfərin həlak olması, 16 nəfərin yaranlanması ilə nəticələnmiş 22 YNH-i bağlı qalmışdır.
  • 2018-ci il yol-nəqliyyat hadisələrinin təhlili